شادی کی آدھی تقریبات ہال میں جبکہ آدھی پولیس سٹیشن میں انجام پائی

تازہ ترین خبروں اور تبصروں کیلئے ہمارا وٹس ایپ چینل جوائن کریں

گجرات، بھارت میں شادی کی آدھی تقریبات ہال جبکہ آدھی پولیس سٹیشن میں انجام پا گئیں۔

غیر ملکی میڈیا کا بتانا ہے کہ بھارتی ریاست گجرات کے شہر سورت میں جوڑے کی شادی کی تمام رسومات مکمل ہوگئی تھیں صرف گلے میں ہار ڈالنے باقی تھے کہ شادی کو اچانک روک دیا گیا۔

latest urdu news

غیر ملکی میڈیا کے مطابق شادی کو دولہا کے گھر والوں نے مبینہ طور پر تقریب میں کھانا ختم ہونے کی وجہ سے روکا۔

پولیس حکام کا بتانا ہے کہ دونوں خاندانوں میں کھانے کی مبینہ کمی پر جھگڑا ہوا جس کے بعد دولہا کے خاندان نے شادی کی باقی رسم کرنے سے انکار کر دیا۔

حکام کا بتانا ہے کہ دلہن دولہا کے خاندان کے رویے سے پریشان ہوئی جس کے بعد اس نے پولیس سے رابطہ کیا اور کہا کہ لڑکا شادی کیلئے تیار ہے لیکن اس کے گھر والے راضی نہیں ہیں، اس سارے معاملے کے بعد اس کے حل کیلئے دولہا اور دلہن سمیت ان کے گھر والوں کو بھی پولیس سٹیشن بلایا گیا۔

پولیس کی مداخلت اور مدد کے بعد دولہا کے خاندان نے شادی کو مکمل کرنے پر رضا مندی ظاہر کی، تاہم یہاں بھی یہ کیس مکمل طور پر حل نہیں ہوا کیونکہ دلہن نے شادی ہال میں واپس آنے کی صورت میں دوبارہ لڑائی کا امکان ظاہر کیا۔

غیر ملکی میڈیا کا بتانا ہے کہ لڑکی کے خدشے کے پیشِ نظر پولیس نے جوڑے کو شادی کی بقیہ رسمیں تھانے ہی میں مکمل کرنے کی اجازت دی۔

شیئر کریں:
frontpage hit counter