رمضان شوگر ملز ریفرنس: شہباز شریف اور حمزہ شہباز کیخلاف فیصلہ محفوظ

تازہ ترین خبروں اور تبصروں کیلئے ہمارا وٹس ایپ چینل جوائن کریں

اینٹی کرپشن کورٹ نے وزیر اعظم شہباز شریف اور انکے صاحبزادے حمزہ شہباز کے خلاف رمضان شوگر ملز کیس کا فیصلہ محفوظ کرلیا۔

لاہور: اینٹی کرپشن عدالت نے رمضان شوگر ملز ریفرنس میں وزیر اعظم شہباز شریف اور ان کے بیٹے حمزہ شہباز کی بریت کی درخواستوں پر فیصلہ محفوظ کر لیا، جو 6 فروری کو سنایا جائے گا۔

latest urdu news

ڈان نیوز کے مطابق، لاہور میں اینٹی کرپشن کی خصوصی عدالت کے جج سردار محمد اقبال نے کیس کی سماعت کی۔ شہباز شریف اور حمزہ شہباز کے وکیل امجد پرویز نے دلائل دیتے ہوئے کہا کہ 2014-15 کے دوران پنجاب اسمبلی نے ترقیاتی منصوبے میں نالے کی تعمیر کی منظوری دی تھی، جو اس وقت کے ایم پی اے مولانا رحمت اللہ کی درخواست پر بنایا گیا، اور حمزہ شہباز کا اس میں کوئی کردار نہیں تھا۔

پراسیکیوشن کے مطابق، نالے کی تعمیر میں ناقص میٹریل استعمال کیا گیا اور اس کا اصل مقصد رمضان شوگر ملز کو فائدہ پہنچانا تھا۔ تاہم، وکیل صفائی نے اس کیس کو سیاسی بنیادوں پر بنایا گیا قرار دیتے ہوئے گواہوں کو طلب کرنے کی ضرورت سے انکار کیا۔

واضح رہے کہ نیب نے 18 فروری 2019 کو شہباز شریف اور حمزہ شہباز کے خلاف رمضان شوگر ملز کیس میں ریفرنس دائر کیا تھا، جس میں قومی خزانے سے 21 کروڑ روپے کے گندے نالے کی تعمیر کا الزام عائد کیا گیا تھا۔

gujrat news

شیئر کریں:
frontpage hit counter