14
پشاور، وزیراعلیٰ خیبرپختونخوا علی امین گنڈاپور کا کہنا ہے کہ چند جگہوں پر شرپسند ہیں جن کے سروں کی قیمت مقرر کی ہے تاکہ مسئلے کو جڑ سے ختم کیا جائے۔
پشاور میں گفتگو کے دوران وزیراعلی پختونخوا کا کہنا ہے کہ کرم میں قیام امن کے لیے حکومت نے سنجیدہ اقدامات کیے ہیں، قیام امن کی راہ میں روڑے اٹکانے والے شرپسندوں سے حکومت آہنی ہاتھوں سے نمٹے گی۔
علی امین گنڈا پور نے کہا کہ بنکرز کرم میں قیام امن کے لیے مسئلہ تھے جنہیں روزانہ گرایا جارہا ہے، چند جگہوں پر شرپسند ہیں جن کے سروں کی قیمت مقرر کی ہے تاکہ مسئلے کو جڑ سے ختم کیا جائے۔
وزیراعلیٰ پختونخوا کا کہنا تھا کہ جرگے کے ذریعے مسائل کا حل نکالا ہے، چیلنجز بہت ہیں تاہم ہم ہر چیلنج کا مقابلہ کرنے کے لیے تیار ہیں، کرم میں جرگے کے ذریعے بڑے مسائل پر قابو پالیا گیا ہے، کرم کا 100 سال سے زیادہ پرانا مسئلہ ہے جو وقتاً فوقتاً اٹھتا رہا۔
وزیراعلیٰ علی امین گنڈا پور کا مزید یہ کہنا تھا کہ راشن کی 4 بڑی کھیپ کرم پہنچائی جاچکی ہیں۔
