11
لاہور، وفاقی وزیر اطلاعات عطا تارڑ نے کہا کہ ملک سے پنکی، گوگی اور کپتان کی نحوست کا سایہ چھٹ چکا ہے۔
لاہور میں اپنے حلقے میں خطاب کے دوران وفاقی وزیر عطا تارڑ کا کہنا ہے کہ 190 ملین پاؤنڈ کیس میں ایک ایسے وزیراعظم کو سزا ہوئی ہے جو تحفے میں ملی گھڑیاں بیچ کر کھا گیا تھا۔
وقافی وزیر اطلاعات و نشریات نے کہا کہ ایک وزیراعظم چیزیں بیچتا تھا اور موجودہ وزیراعظم شفافیت سے کام کررہا ہے، ہم نے عوام سے جو وعدے کیے تھے وہ پورے کررہے ہیں اور یہ اپنے کیے ہوئے کاموں کی سزا ہی بھگت رہے ہیں۔
دوسری جانب ترجمان تحریک انصاف شیخ وقاص نے عطا تارڑ کی گفتگو پر ردعمل میں کہا کہ 190 ملین پاؤنڈ کیس کرپشن کا نہیں، انصاف کی نیلامی کا مقدمہ ہے، حکومت میں شرم ہوتی تو کیس کو پروپیگنڈے کا وسیلہ نہ بناتے، لوگوں کا ضمیر ہی نہیں خریدتے، جب جب یہ اقتدار پر بٹھائے گئے ملک اور عوام کو غربت اور بھوک نے گھیرا۔
