40
سوتیلی ماں نے 3 سالہ بچی کے منہ پر کپڑا رکھ کر اسے موت کے گھاٹ اتار دیا۔
لاہور، جنوبی چھاؤنی میں سوتیلی ماں نے 3 سالہ بچی کے منہ پر کپڑا رکھ کر قتل کردیا۔
ایس پی کینٹ کی ہدایت پر جنوبی چھاؤنی پولیس کی جانب سے فوری ایکشن لیاگیا ،جس پر پولیس کی ٹیم نے ملزمہ علینہ کو فوری گرفتار کرلیا جبکہ بچی کو تشویشناک حالت میں طبی امداد کے لیے فوری ہسپتال منتقل کیا گیا، لیکن جانبر نہ ہوسکی۔
پولیس کی جانب سے لاش تحویل میں لیکر پوسٹ مارٹم کے لیے مردہ خانہ منتقل کردی گئی جبکہ بچی کے والد سفیان کی مدعیت میں نامزد ملزمہ علینہ کے خلاف فوری مقدمہ درج کرلیا گیا۔
دوسری جانب ایس پی کینٹ اویس شفیق کا بتانا ہے کہ قانون ہاتھ میں لینے والوں سے آہنی ہاتھوں نمٹا جائے گا۔