37
پشاور، خیبر پختونخوا حکومت کی جانب سے مستحق خاندانوں کیلئے خصوصی رمضان پیکیج کا اعلان کردیا گیا۔
صوبائی کابینہ کی جانب سے صوبے کے ہر مستحق خاندان کو رمضان المبارک میں 10، 10 ہزار روپے دینے کا فیصلہ کیا گیا، خیبر پختونخوا کے 115 حلقوں سے 5 ہزار خاندانوں کا انتخاب کیا جائیگا، ہر مستحق خاندان کو رمضان کے پہلے عشرے میں 10 ہزار روپے کا چیک دیا جائیگا۔
مستحق خاندانوں کے انتخاب کیلئے حکومت نے مختلف محکموں کو ٹاسک دیدیا، صوبے میں رمضان پیکیج کے تحت 8 ارب روپے تک کی رقم تقسیم کی جائیگی، رمضان پیکیج کی تقسیم کی مانیٹرنگ وزیر اعلیٰ ہاؤس پشاور سے کی جائیگی۔
دوسری جانب ڈیرہ غازی خان میں دہشت گردوں کا پولیس چیک پوسٹ پر حملہ ناکام بنا دیا گیا۔
ترجمان پنجاب پولیس کا بتانا ہے کہ تھانہ وہوا کی جھنگی چیک پوسٹ پر 15 سے 20 دہشت گردوں نے رات کی تاریکی میں مختلف اطراف سے حملہ کیا۔