31
سوات، خیبر پختونخوا میں جیپ گہری کھائی میں گرنے سے 4 افراد جان کی بازی ہار گئے۔
ریسکو ذرائع کا بتانا ہے کہ حادثہ خیبر پختونخوا کے علاقے چارباغ خوڑ پٹے میں پیش آیا، جہاں جیپ ڈرائیور سے بے قابو ہو کر گہری کھائی میں جا گری۔
ذرائع کے مطابق حادثے میں 4 افراد موقع پر دم توڑ گئے جبکہ 2 افراد شدید زخمی ہوئے، گاڑی مینگورہ سے سیر خوڑ پٹے جارہی تھی۔
ابتدائی تحقیقات کے مطابق ناخوشگوار واقعہ جیپ کی اچانک بریک فیل ہونے کے وجہ سے پیش آیا، ریسکیو ٹیم نے جاں بحق افراد اور زخمیوں کو مقامی ہسپتال منتقل کر دیا جہاں زخمیوں کا علاج و معالجہ کیا جارہا ہے۔