پیکا ایکٹ، صدر نے صحافیوں کو اعتماد میں لینے تک بل پر دستخط روک دیے

تازہ ترین خبروں اور تبصروں کیلئے ہمارا وٹس ایپ چینل جوائن کریں

پارلیمانی رپورٹر نے پیکا ایکٹ کے خلاف مولانا فضل الرحمان کے ذریعے صدر مملکت تک اپنی آواز پہنچادی، صدر نے صحافیوں کو اعتماد میں لینے تک بل پر دستخط روک دیے۔

اسلام آباد: متنازع پیکا ترمیمی بل کے خلاف صحافیوں کے احتجاج نے اثر دکھا دیا۔ پارلیمانی رپورٹرز ایسوسی ایشن (پی آر اے) نے جے یو آئی کے سربراہ مولانا فضل الرحمان کے ذریعے صدر مملکت آصف علی زرداری سے رابطہ کیا اور بل پر اپنے تحفظات پیش کیے۔

latest urdu news

ذرائع کے مطابق مولانا فضل الرحمان نے پارلیمانی رپورٹرز کے اعتراضات صدر مملکت تک پہنچائے، جس پر صدر مملکت نے بل پر فوری دستخط روکنے کا فیصلہ کیا۔ صدر نے کہا کہ صحافتی تنظیموں کو اعتماد میں لینے تک اس بل پر دستخط نہیں کیے جائیں گے۔

مزید یہ کہ وزیر داخلہ محسن نقوی اور صحافی تنظیموں کے درمیان جلد ملاقات متوقع ہے تاکہ پیکا ایکٹ سے متعلق معاملات پر بات چیت کی جا سکے۔

واضح رہے کہ پارلیمانی رپورٹرز نے کل مولانا فضل الرحمان سے درخواست کی تھی کہ وہ صحافی برادری کے تحفظات صدر مملکت تک پہنچائیں۔ صحافی برادری پیکا ایکٹ کو آزادی صحافت کے خلاف ایک قدم قرار دے رہی ہے۔

شیئر کریں:
frontpage hit counter