کراچی، سابق وزیر خزانہ ڈاکٹر شمشاد اختر کا کہنا ہے کہ پاکستان کو موسمیاتی تبدیلیوں سے نمٹنے کیلئے 40 سے 50 ارب ڈالر کی ضرورت ہے۔
تیسری پاکستان کلائمیٹ کانفرنس سے خطاب کے دوران ڈاکٹر شمشاد اختر نے کہا کہ موسمیاتی تبدیلیوں کے سنگین نتائج کے حوالے سے پاکستان دنیا کا پانچواں ملک ہے، موسمیاتی تبدیلیوں کا مقابلہ کرنے کیلئے پاکستان کو اپنی ضرورت کا اس وقت صرف 1.8 فیصد حصہ مل رہا ہے۔
شمشاد اختر کا کہنا ہے کہ کلائمیٹ چینج سے نمٹنے کیلئے عالمی اداروں سے فنڈ حاصل کرنے کیلئے حکومت اقدامات کرے، موسمیاتی چیلنجز کی وجہ سے ملکی جی ڈی پی کا تناسب 3 فیصد گھٹا ہے۔
سابق وزیر خزانہ کا کہنا ہے کہ ملک میں کلائمیٹ فنانسنگ کو بڑھانے کیلئے گرین سکوک کا اجراء کیا گیا ہے، گرین فنانسنگ کیلئے بینکاری پروڈکٹس متعارف کرانا اچھا آپشن ہے۔
شمشاد اختر نے کہا کہ سی پیک کی کامیابی کیلئے گرین انرجی پالیسی پر کام کرنا ہوگا۔
دوسری جانب چیئرمین پی ٹی آئی بیرسٹر گوہر نے کہا کہ ہماری ایک ہی مذاکراتی کمیٹی بنی تھی اور ایک ہی جگہ مذاکرات ہو رہے تھے کہیں اور مذاکرات نہیں ہو رہے تھے، ہم فراغ دلی کیساتھ ان کے ساتھ بیٹھے تھے لیکن بدقسمتی سے وہ مذاکرات آگے نہیں بڑھ سکے۔