وزیراعظم کی صحت کے حوالے سے اسلام آباد کو پورے ملک کیلئے ماڈل بنانے کی ہدایت

تازہ ترین خبروں اور تبصروں کیلئے ہمارا وٹس ایپ چینل جوائن کریں

اسلام آباد، وزیراعظم کی جانب سے صحت سہولیات سے متعلق اسلام آباد کو پورے ملک کے لیے ماڈل بنانے کی ہدایت کردی گئی۔

وزیراعظم شہباز شریف کی زیر صدارت وزارت قومی صحت کے امور پر جائزہ اجلاس ہوا، جس میں متعلقہ حکام کی جانب سے شرکت کی گئی۔

latest urdu news

اجلاس میں وزیراعظم پاکستان نے وفاقی حکومت کے زیرانتظام صحت کے نظام کو جدید خطوط پر استوار کرنے اور صحت کی سہولیات سے متعلق اسلام آباد کو پورے ملک کے لیے ماڈل بنانے کی بھی ہدایت کی۔

وزیراعظم پاکستان نے جناح میڈیکل کمپلیکس و ریسرچ سینٹر کے کام کو تیز رفتار بنانے اور کمپلیکس کے لیے مشینری و آلات کی خریداری کے پری کوالیفکیشن کا عمل شروع کرنے کی ہدایت کرتے ہوئے کہا کہ پری کوالیفکیشن کے عمل کو ماہر کنسلٹنٹ کی نگرانی میں مکمل کیا جائے۔

وزیراعظم پاکستان نے کہا کہ جناح میڈیکل کمپلیکس کے تعمیراتی کام اور مشینری وآلات کی خریداری کا تھرڈ پارٹی آڈٹ کروایا جائے۔

شہباز شریف جناح میڈیکل کمپلیکس سے منسلک یونیورسٹی کے لیے چارٹرکی منظوری کا عمل شروع کرنے کی بھی ہدایت کی۔

وزیراعظم پاکستان نے کہا کہ حکومت صحت کی سہولیات تک رسائی کے لئے ترجیحی بنیادوں پرکام کررہی ہے۔

latest breaking news in urdu

شیئر کریں:
frontpage hit counter