وعدہ ہے آئی ایم ایف کا یہ آخری پروگرام ہوگا، وزیر اعظم‎

تازہ ترین خبروں اور تبصروں کیلئے ہمارا وٹس ایپ چینل جوائن کریں

وزیراعظم شہباز شریف نے کہا ہے کہ پاکستان کی تاریخ میں عالمی مالیاتی ادارے (آئی ایم ایف) کا پروگرام آخری ہے۔ مہنگائی کی شرح کو مزید کم کرنے کے لیے کوشاں ہیں۔

اسلام آباد: وزیر اعظم شہباز شریف نے کہا ہے کہ پاکستان کی تاریخ میں عالمی مالیاتی ادارے (آئی ایم ایف) کا پروگرام آخری ہے اور حکومت مہنگائی کی شرح کو مزید کم کرنے کے لیے بھرپور کوششیں کر رہی ہے۔

latest urdu news

ایک تقریب سے خطاب کرتے ہوئے وزیر اعظم نے کہا کہ ملک میں بین الاقوامی سرمایہ کاری بڑھ رہی ہے اور ملکی ترقی کے لیے دن رات محنت کی جا رہی ہے۔ انہوں نے مزید کہا کہ بجلی کی قیمتوں میں کمی کی کوششیں جاری ہیں، اور توقع ہے کہ شرح سود میں بھی جلد مزید کمی ہوگی۔

وزیر اعظم نے کہا، "سستی بجلی کے بغیر ملک ترقی نہیں کرسکتا، اور چند ماہ میں بجلی کی قیمتوں میں مزید کمی کی جائے گی، جس سے صنعت کو مسابقتی برتری حاصل ہوگی۔” انہوں نے اس بات پر زور دیا کہ برآمدات اور ترسیلات زر میں اضافہ ہوا ہے اور معیشت میں بہتری کے آثار نمایاں ہو رہے ہیں۔

شہباز شریف نے مزید کہا کہ قومی ایئر لائن (پی آئی اے) کی شفاف انداز میں نجکاری کی جائے گی اور یقین دلایا کہ پاکستان جلد اپنے پاؤں پر کھڑا ہوگا۔ ان کا کہنا تھا کہ مہنگائی کی شرح 5 فیصد تک آ گئی ہے اور اسے مزید کم کرنے کے لیے اقدامات کیے جا رہے ہیں۔

وزیر اعظم نے عوام کو یقین دلایا کہ حکومت معاشی استحکام کے لیے مستقل اقدامات کر رہی ہے اور پاکستان کی ترقی کا سفر جاری رہے گا۔

latest breaking news in urdu

شیئر کریں:
frontpage hit counter