کبریٰ خان اور گوہر رشید نے آخر شادی کا اعلان کردیا

معروف اداکارہ کبریٰ خان اور اداکار گوہر رشید کی جانب سے شادی کا اعلان کردیا گیا۔

اداکارہ کبریٰ خان اور گوہر رشید آپس میں قریبی دوست ہیں اور دونوں نے انوکھے انداز میں اپنی شادی کا اعلان کیا۔

یہ بھی پڑھیں

کبریٰ خان اور گوہر رشید کی جانب سے اپنے آفیشل اکاؤنٹ سے ویڈیو پوسٹ کی گئی ہے، جس میں ہمایوں سعید، عاصم اظہر اور اذان سمیع خان سمیت دیگر شخصیات شادی کا پوچھ رہی ہیں۔

ویڈیو کے آخر میں کبریٰ اور گوہر رشید آتے ہیں اور مسکراتے ہوئے اپنی شادی کا اعلان کرتے ہیں۔

کبریٰ نے ویڈیو پوسٹ کرتے ہوئے لکھا کہ ’آپ کے پیار اور دعاؤں کے ساتھ بسم اللہ‘۔

دونوں کی شادی کب ہوگی تاحال تاریخوں اعلان نہیں کیا گیا لیکن ان کے اعلان سے دونوں کی شادی سے متعلق خبریں درست نکلی ہیں۔

سوشل میڈیا پر پہلے بھی اس حوالے سے خبریں زیر گردش تھیں، لیکن انکی شادی کی تصدیق نہیں ہوئی تھی، تاہم اب ان دونوں نے خود ہی شادی کر اعلان کردیا ہے۔