36
ایف آئی اے نے چھاپہ مار کر 3 انسانی اسمگلرز کو گرفتار کرلیا۔
کراچی ائیرپورٹ کے قریب وفاقی تحقیقاتی ادارے ایف آئی اے کی جانب سے ہوٹل پر چھاپہ مار کر 3 انسانی اسمگلرز گرفتار کرلیے گئے۔
ایف آئی اے کے انسداد انسانی اسمگلنگ سرکل کے عملے نے شاہراہ فیصل پر ائیرپورٹ چھوٹا گیٹ کے قریب ہوٹل پر چھاپہ مار کر 7 افراد کو گرفتار کرلیا، جن میں 3 انسانی اسمگلر بتائے گئے ہیں۔
حکام نے بتایا کہ زیر حراست افراد میں سے 4 مسافر ہیں جنہیں انسانی اسمگلرز نے عراق بھیجنے کے لیے بھاری رقم وصول کی تھی اور انہیں بیرون ملک بھیجنے کیلئے منصوبہ بندی کر رہے تھے۔
ذرائع کا بتانا ہے کہ زیر حراست ایجنٹوں اور مسافروں کو اے ایچ ٹی سی منتقل کردیا گیا ہے، جن سے مزید تفتیش کی جا رہی ہے۔