اسلام آباد، وفاقی وزیر منصوبہ بندی و ترقی احسن اقبال کی جانب سے وفاقی ترقیاتی پروگرام کے منصوبوں کا تھرو فارورڈ 8 ہزار ارب روپے تک ہونے کا انکشاف کرتے ہوئے کہا گیا کہ وفاق کے جاری منصوبوں کی تکمیل کے لیے 2900 ارب روپے کی ضرورت درکار ہے۔
وزیر منصوبہ بندی احسن اقبال کا کہنا ہے کہ وفاقی ترقیاتی منصوبوں کا تھرو فارورڈ 8 ہزار ارب روپے ہوگیا ہے، وفاقی ترقیاتی پروگرام میں صوبائی منصوبوں کی شمولیت سے تھرو فارورڈ بڑھا ہے۔
احسن اقبال نے کہا کہ صوبائی ترقیاتی منصوبے صوبے اپنے فنڈز سے مکمل کریں، 60 سے 80 فیصد صوبائی منصوبوں کی تکمیل کریں گے، صوبائی منصوبوں کے 50 فیصد فنڈز صوبہ اور 50 فیصد وفاق دے گا۔
وفاقی وزیر نے کہا کہ پی ایس ڈی پی میں 40 فیصد صوبائی منصوبے شامل تھے، پی ایس ڈی پی اخراجات کا حجم 12 فیصد سے کم ہوکر 4 فیصد پر آگیا ہے۔
احسن اقبال نے کہا کہ پہلی 2 سہ ماہیوں میں پی ایس ڈی پی منصوبوں پر اخراجات کم ہوتے ہیں، تیسری سہ ماہی سے اخراجات میں اضافہ ہوتا ہے۔
وفاقی وزیر منصوبہ بندی نے کہا کہ رواں مالی سال 1400 ارب روپے کا پی ایس ڈی پی طلب کیا تھا اور جاری منصوبوں کو مکمل کرنے کے لیے 2900 ارب روپے کی ضرورت ہے۔
