خیبرپختونخوا کے گورنر سے اختیارات لیکر وزیراعلیٰ علی امین گنڈاپور یونیورسٹیز کے چانسلر بن گئے۔
گزشتہ دنوں خیبرپختونخوا اسمبلی کی جانب سے خیبرپختونخوا یونیورسٹیز ترمیمی بل 2024 پاس کرکے گورنر کو منظوری کیلئے بھیجا گیا تھا تاہم گورنر نے اعتراض لگا کر بل واپس کردیا تھا۔
آج اسمبلی سیکرٹریٹ نے خیبرپختونخوا یونیورسٹیز ترمیمی بل 2024 باقاعدہ قانون بننے کا نوٹیفکیشن جاری کردیا، جس کے تحت خیبر پختونخوا میں جامعات کے چانسلر اب وزیراعلیٰ ہوں گے۔
آج سے پہلے گورنر تمام یونیورسٹیز کے چانسلر تھے اور ایکٹ کے بعد یہ اختیارات وزیراعلیٰ کو منتقل ہوگئے۔
قانون کے تحت اب وزیراعلیٰ علی امین گنڈاپور کو یہ اختیار حاصل ہوگا کہ وہ اکیڈیمک سرچ کمیٹی کے تجویز کردہ 3 ناموں میں سے کسی ایک کو وائس چانسلر مقرر کریں۔
قانون کے تحت وائس چانسلر کی تقرری کا دورانیہ 4 سال مقرر کیا گیا ہے تاہم اگر کارکردگی غیر تسلی بخش ہو تو یہ مدت کسی بھی وقت ختم کی جاسکتی ہے۔
دوسری جانب وفاقی وزیر عبدالعلیم خان کا کہنا ہے کہ میں تو اپنے 6 ماہ کا حساب دے سکتا ہوں وہ مجھ سے لے لیں، وعدہ کرتا ہوں ہم 2025 میں ایم 6 موٹروے پر کام شروع کریں گے، وزیراعظم پاکستان اور میں نے اپنی ترجیحات میں جو سب سے پہلی سڑک رکھی وہ ایم 6 ہے، یہ ہو ہی نہیں سکتا پاکستان کی کوئی بھی سڑک ایم 6 سے زیادہ اہم ہو۔