ڈی آئی خان، وزیر اعلیٰ خیبرپختونخوا علی امین گنڈا پور کا کہنا ہے کہ پولیس موبائل کی جگہ بلٹ پروف گاڑیوں کا بندوبست کر رہے ہیں۔
پولیس ٹریننگ سینٹر کی افتتاحی تقریب سے خطاب کے دوران وزیراعلیٰ کے پی، علی امین گنڈا پور کا کہنا تھا کہ ہمارا بارڈر خطے کے لحاظ سے اہمیت کا حامل ہے، جوانوں کی قربانیوں کو سلام پیش کرتا ہوں۔
علی امین گنڈا پور کا کہنا ہے کہ ہماری فورسز اتنی قابل ہیں کہ انہوں نے سپرپاور کو شکست دی ہے، شہداء کا کوٹہ سسٹم بحالی و دیگر مراعات کو صوبائی حکومت نے پہلی فرصت میں حل کیا۔
وزیر اعلیٰ خیبرپختونخوا کا کہنا ہے کہ پولیس افسران کیلئے بلٹ پروف گاڑیاں دے رہے ہیں، پولیس کی ٹریننگ 9 ماہ کے بجائے 90 دن کرنے کی پالیسی بنا رہے ہیں۔
علی امین گنڈا پور کا کہنا ہے کہ صوبائی حکومت جلد ٹریننگ سکول کی تمام سہولیات مہیا کرے گی، شہداء کی فیملیز کا خیال رکھیں گے تاکہ جوانوں کے حوصلے بلند ہوں۔
دوسری جانب وفاقی وزیر عبدالعلیم خان کا کہنا ہے کہ میں تو اپنے 6 ماہ کا حساب دے سکتا ہوں وہ مجھ سے لے لیں، وعدہ کرتا ہوں ہم 2025 میں ایم 6 موٹروے پر کام شروع کریں گے، وزیراعظم پاکستان اور میں نے اپنی ترجیحات میں جوسب سے پہلی سڑک رکھی وہ ایم 6 ہے، یہ ہو ہی نہیں سکتا پاکستان کی کوئی بھی سڑک ایم 6 سے زیادہ اہم ہو۔