کمیشن بننے پر ہی مذاکرات کا سلسلہ جاری رہ سکتا ہے، فیصل جاوید

تازہ ترین خبروں اور تبصروں کیلئے ہمارا وٹس ایپ چینل جوائن کریں

پشاور، رہنما پی ٹی آئی اور سینیٹر فیصل جاوید کا کہنا ہے کہ کمیشن بننے پر ہی مذاکرات کا سلسلہ جاری رہ سکتا ہے۔

پشاور ہائیکورٹ میں میڈیا سے گفتگو کے دوران پی ٹی آئی رہنما فیصل جاوید نے کہا کہ 9 مئی اور 26 نومبر کے واقعات پر کمیشن بنانے کا مطالبہ ہے، جب تک مطالبات نہیں مانے جاتے، اس وقت تک مذاکرات کامیاب نہیں ہوسکتے۔

latest urdu news

فیصل جاوید نے کہا کہ بانی پی ٹی آئی و عمران خان کو ایک بار پھر 14 سال قید کی سزا دی گئی، بانی پی ٹی آئی کی اہلیہ بشریٰ بی بی گھریلو خاتون ہیں ان کو بھی سزا ہوئی، القادر ٹرسٹ کیس میں حکومت کو کوئی نقصان نہیں ہوا، یہ کیس عدالت میں اڑ جائے گا، عمران خان کو سیاسی انتقام کا نشانہ بنایا گیا۔

سینیٹر فیصل جاوید نے کہا کہ بانی پی ٹی آئی و عمران خان کسی صورت ڈیل نہیں کریں گے، پاکستان میں اعتماد کا فقدان ہے، عمران خان جس دن جیل سے باہر آئیں گے سرمایہ کاری شروع ہوگی۔

اس سے پہلے پشاور ہائی کورٹ نے پی ٹی آئی رہنما اور سینیٹر فیصل جاوید کی حفاظتی ضمانت منظور کرلی۔

جسٹس پشاور ہائیکورٹ عتیق شاہ اور جسٹس وقار احمد نے پی ٹی آئی رہنما کی مقدمات کی تفصیلات کے لئے درخواست پر سماعت کی، فیصل جاوید وکلاء سمیت عدالت میں پیش ہوئے۔

ڈپٹی اٹارنی جنرل کا کہنا ہے کہ ہم اس کیس میں رپورٹ جمع کرنا چاہتے ہیں، ڈپٹی اٹارنی جنرل کی درخواست پر سماعت 14 روز کے لئے ملتوی کر دی گئی، عدالت نے فیصل جاوید کی حفاظتی ضمانت بھی منظور کرلی۔

latest breaking news in urdu

شیئر کریں:
frontpage hit counter