لاہور، وزیر اطلاعات پنجاب عظمی بخاری نے وزیراعلیٰ علی امین گنڈاپور کے بیان پر سخت ردعمل دیتے ہوئے کہا کہ ہم تمہیں شرم دلا کر تھک چکے ہیں، تم جنگلی جانور ہو اور جانور ہی رہنا۔
عظمیٰ بخاری نے وزیراعلیٰ خیبرپختونخوا کے وزیراعلیٰ مریم نواز سے متعلق بیان پر ردعمل دیتے ہوئے کہا کہ تم ایک صوبے کے چیف ایگزیکٹو ہو کبھی تو انسانوں کی طرح گفتگو کر لیا کرو، جو منہ میں آتا ہے اپنے بدتمیز لیڈر کی طرح بک دیتے ہو۔
عظمیٰ بخاری نے کہا کہ تمہاری فیملی کی خواتین شاید بغیر میک اپ اور جیولری کے ہی تقریبات میں شامل ہوتی ہیں، تمہاری فیملی کی خواتین پر ترس آتا ہے جو تم جیسے بے شرم اور بے لگام گھوڑے کو برداشت کر رہی ہیں۔
سینئر صوبائی وزیر نے وزیراعلیٰ پختونخوا پر سخت تنقید کرتے ہوئے کہا کہ علی امین گنڈا پور پختونوں کی غیرت پر سیاہ دھبہ ہے، ہمیں لیکچر دیا جاتا ہے کہ پختون غیرت مند قوم ہے بہن بیٹی کو عزت کی نظر سے دیکھتے ہیں، لیکن یہ پختون خواتین کے لیے بھی شرمندگی کا عملی نمونہ ہے۔
وزیر اطلاعات پنجاب کا کہنا ہے کہ جو لوگ وزیراعلیٰ مریم نواز سے کارکردگی میں مقابلہ نہیں کر سکتے وہ اپنی گندی زبان سے وزیراعلیٰ مریم نواز کا نام بھی مت لیں، آئندہ مریم نواز سے متعلق گھٹیا الفاظ استعمال کیے تو حلق سے زبان کھینچ لیں گے۔
دوسری جانب، صدر مملکت آصف علی زرداری سے ایرانی مسلح افواج کے چیف آف جنرل سٹاف میجر جنرل ڈاکٹر محمد باقری کی ملاقات ہوئی۔