حجاج کرام کی معاونت میں کسی قسم کی لاپرواہی برداشت نہیں کروں گا، شہباز شریف

تازہ ترین خبروں اور تبصروں کیلئے ہمارا وٹس ایپ چینل جوائن کریں

اسلام آباد، وزیراعظم شہباز شریف کا کہنا ہے کہ حجاج کرام اللہ تعالیٰ کے مہمان ہیں، انکی معاونت میں کسی قسم کی لاپرواہی برداشت نہیں کروں گا۔

وزیراعظم پاکستان شہباز شریف کی زیر صدارت حج 2025 کی تیاریوں سے متعلق جائزہ اجلاس ہوا جس میں وفاقی وزراء احد خان چیمہ، چودھری سالک حسین اور متعلقہ اعلیٰ حکام نے شرکت کی۔

latest urdu news

اجلاس میں وزیرِ اعظم پاکستان کو حج 2025 کی تیاریوں پر تفصیلی بریفنگ دی گئی، اجلاس کے شرکاء کو حج فنڈ پر پیشرفت سے آگاہ کرتے ہوئے بتایا گیا کہ اس پر کام حتمی مراحل میں ہے۔

بریفنگ کے مطابق گزشتہ برس کی طرح رواں سال بھی حجاج کرام کو سمز کی فراہمی پاکستان سے کی جائے گی اور حجاج کی معاونت کیلئے حج موبائل ایپلی کیشن بھی فعال ہے۔

وزیرِ اعظم پاکستان نے حج 2025 میں معاونینِ حج کے انتخاب کے طریقہ کار، ان کی ذمہ داریاں اور دیگر انتظامات پر تفصیلات طلب کرلیں اور حج ڈیوٹی پر اچھی شہرت کے قابل افسران تعینات کرنے کی ہدایت کی۔

اجلاس کے دوران گفتگو کرتے ہوئے وزیراعظم پاکستان شہباز شریف کا کہنا ہے کہ حج 2025 کی تیاری میں کسی قسم کی لاپرواہی قبول نہیں، حجاج کرام کو ہر قسم کی معاونت و سہولت کی فراہمی یقینی بنائی جائے، حج کی تیاریوں کے حوالے سے ایک جامع بریفنگ تیار کرکے آئندہ چند روز میں پیش کی جائے۔

latest breaking news in urdu

شیئر کریں:
frontpage hit counter