سنیل گواسکر نے آئی سی سی چیمپئنز ٹرافی میں پاکستان کو فیورٹ قرار دیدیا

تازہ ترین خبروں اور تبصروں کیلئے ہمارا وٹس ایپ چینل جوائن کریں

سابق بھارتی کرکٹر سنیل گواسکر کیجانب سے آئی سی سی چیمپئنز ٹرافی میں پاکستان کو فیورٹ قرار دے دیا گیا۔

آئی سی سی چیمپئنز ٹرافی 19 فروری سے پاکستان میں شروع ہورہی ہے جبکہ بھارت اپنے تمام میچز یو اے ای میں کھیلے گا۔

latest urdu news

سابق بھارتی کرکٹر سنیل گواسکر نے پاکستان کو چیمپئنز ٹرافی کے لیے فیورٹ قرار دے دیا، سابق بھارتی کرکٹر کا کہنا تھا کہ پاکستان کو اپنے میدانوں پر کھیلنے کا بڑا فائدہ حاصل ہوگا۔

انٹرویو کے دوران سنیل گواسکر کا کہنا تھا کہ اس ٹورنامنٹ کیلئے میزبان ٹیم پاکستان کو فیورٹ قرار دیا جانا چاہیےکیونکہ کسی بھی ٹیم کو انکے اپنے ملک میں ہرانا بہت مشکل ہوتا ہے۔

سابق بھارتی کرکٹر نے کہا کہ 2023 میں بھارت میں ہونیوالے ون ڈے ورلڈ کپ میں بھارتی ٹیم نے شاندار کارکردگی دکھائی تھی، فائنل میں بھلے ہارا لیکن اس سے پہلے ایونٹ میں مسلسل 10 میچز جیتے۔

یاد رہے کہ آئی سی سی چیمپئنز ٹرافی میں 8 ٹیمیں شریک ہوں گی جو 2 گروپوں میں تقسیم ہیں، ٹورنامنٹ میں مجموعی طور پر 15 میچز کھیلے جائیں گے۔

گروپ اے میں پاکستان، بھارت، نیوزی لینڈ اور بنگلا دیش شامل ہیں جبکہ گروپ بی میں افغانستان، جنوبی افریقا، انگلینڈ اور آسٹریلیا شامل ہیں۔

میزبان پاکستان 19 فروری کو کراچی میں نیوزی لینڈ کے خلاف میچ سے ٹورنامنٹ کا آغاز کرے گا جبکہ پاکستان اور بھارت کے درمیان اہم میچ 23 فروری کو دبئی میں شیڈول ہے۔

latest breaking news in urdu

شیئر کریں:
frontpage hit counter