لائیو اسٹاک نمائش میں کرنٹ لگنے سے 2 مویشی ہلاک

تازہ ترین خبروں اور تبصروں کیلئے ہمارا وٹس ایپ چینل جوائن کریں

کراچی، ایکسپو سینٹر میں لائیو اسٹاک نمائش میں کرنٹ لگنے سے 2 مویشی مر گئے۔

صدر ڈیری اینڈ کیٹل فارمرز ایسوسی ایشن پاکستان شاکر عمر کا بتانا ہے کہ ایکسپو سینٹر میں لائیو اسٹاک نمائش میں کرنٹ لگنے سے 2 مویشی مرگئے۔

latest urdu news

شاکر عمر کا کہنا ہے کہ سندھ حکومت کی جانب سے لگائی جانے والی نمائش میں واقعہ رونما ہوا، محکمہ لائیو اسٹاک متاثرہ شخص کا نقصان پورا کرے۔

واضح رہے کہ صوبائی دارالحکومت کراچی کے ایکسپو سینٹر میں وزیر اعلیٰ سندھ مراد علی شاہ اور صوبائی وزیر لائیو اسٹاک اینڈ فشریز محمد علی ملکانی نے لائیو اسٹاک ایکسپو 2025 نمائش کا افتتاح کیا۔

لائیو اسٹاک ایکسپو میں سندھ بھر سے لائے جانیوالے دو ہزار سے زائد مختلف نایاب نسل کے جانور، سیکڑوں پرندوں اور مچھلیوں کی نایاب نسل کے علاوہ میوزیکل کنسرٹ، قوالی اور فوڈ کورٹ کا بھی اہتمام کیا گیا ہے۔

وزیراعلیٰ سندھ سید مراد علی شاہ نے سندھ لائیو اسٹاک ایکسپو نمائش کے موقع پر خطاب کے دوران کہا کہ جھینگے کی فارمنگ اور ایکسپورٹ بڑھانے کی ضرورت ہے۔

مراد علی شاہ کے مطابق صدر زرداری اگلے مہینے چین کا دورہ کریں گے اور اس میں لائیو اسٹاک سیکٹر کے باہمی شراکت کے منصوبوں پر بھی بات ہو سکتی ہے۔

latest breaking news in urdu

شیئر کریں:
frontpage hit counter