35
تل ابیب، اسرائیلی حکومت کی جانب سے حماس کیساتھ جنگ بندی معاہدے کی منظوری دے دی گئی۔
غیر ملکی میڈیا کا بتانا ہے کہ جنگ بندی اور یرغمالیوں کے تبادلے کے معاہدے کا اطلاق 19 جنوری سے ہوگا، معاہدے کے تحت 33 اسرائیلیوں کو رہائی ملے گی۔
غیر ملکی میڈیا کا بتانا ہے کہ اسرائیلی حکومت نے اپنے شہریوں کی تصاویر جاری کر دیں جبکہ 95 فلسطینیوں کے نام بھی سامنے آگئے ہیں۔
واضح رہے کہ گزشتہ روز اسرائیلی کابینہ نے حماس کیساتھ جنگ بندی معاہدے کی منظوری دی تھی اور حکومت کو جنگ بندی معاہدے پر عملدرآمد کی سفارش کی تھی۔
دوسری جانب حماس کے سینئر عہدیدار باسم نعیم کی جانب سے دعویٰ کیاگیا کہ غزہ جنگ بندی کا معاہدہ ٹرمپ اور اُن کے ایلچی اسٹیووٹ کوف کے اسرائیل پر دباؤ کے باعث ممکن ہوا، جنگ بندی معاہدے میں تاخیر کی وجہ بائیڈن انتظامیہ کی اسرائیل کی غیر مشروط حمایت تھی۔
