بالی وڈ کے معروف اداکار ورون دھون نے سینئر اداکار راجپال یادو کی تعریف پر شکریہ ادا کیا اور انہیں اپنا استاد قرار دیا۔
بالی وڈ کے معروف اداکار ورون دھون نے سینئر اداکار راجپال یادو کی جانب سے ملنے والی تعریف پر شکریہ ادا کیا اور انہیں اپنا استاد قرار دیا۔
ورون دھون نے اپنے انسٹاگرام پر ایک ویڈیو کلپ شیئر کی، جس میں راجپال یادو انہیں سراہتے ہوئے ان کی کارکردگی اور پروفیشنل رویے کو اعلیٰ قرار دے رہے تھے۔ راجپال یادو، جنہوں نے ورون کے ساتھ کئی ہٹ فلموں جیسے *میں تیرا ہیرو، جڑواں 2،* اور *کولی نمبر 1* میں کام کیا ہے، نے کہا کہ ورون دھون ایک مکمل اسٹار ہیں۔
راجپال یادو نے انٹرویو میں کہا کہ ورون بچپن میں اپنی والد کی فلموں کے سیٹ پر آیا کرتے تھے اور وہ تب سے ہی شوبز کے اصولوں کو سیکھ رہے تھے۔ انہوں نے مزید کہا، "ورون میں بے پناہ ٹیلنٹ ہے، ان کی ڈانسنگ اسکلز، کامیڈی کا ٹائمنگ، اور محنت انہیں خاص بناتی ہے۔ وہ اپنے والد ڈیوڈ دھون کے ورثے کو آگے بڑھا رہے ہیں۔”
راجپال یادو نے یہ بھی کہا کہ ورون دھون ہمیشہ مختلف کرداروں کو اپنانے کی کوشش کرتے ہیں، اور یہی ان کی سب سے بڑی خوبی ہے۔
ورون دھون نے راجپال یادو کی تعریف پر ردعمل دیتے ہوئے لکھا، "راجپال سر، آپ سے بہت کچھ سیکھا ہے۔ شکریہ ان خوبصورت الفاظ کے لیے۔”
ورون دھون اور راجپال یادو نے حالیہ فلم *بیبی جان* میں ایک ساتھ کام کیا، جس میں کیرتی سریش، وامیکا گببی، اور جیکی شراف بھی شامل تھے۔ تاہم، فلم باکس آفس پر خاص کامیابی حاصل نہ کر سکی۔ راجپال یادو نے اس کی ناکامی کی وجوہات پر بات کرتے ہوئے کہا کہ یہ فلم تمل ہٹ تھری کا ری میک تھی، جس کی وجہ سے شائقین نے زیادہ دلچسپی نہیں دکھائی۔ انہوں نے کہا، "اگر یہ فلم ری میک نہ ہوتی تو یہ میری 25 سالہ کیریئر کی سب سے بہترین فلم ہو سکتی تھی۔”
راجپال یادو نے ورون کی ہمت کی تعریف کرتے ہوئے کہا کہ فلم کی ناکامی کے باوجود وہ بہت مثبت اور پُرعزم ہیں اور "ورون ایک نہایت محنتی اور خوش اخلاق انسان ہیں، اور ان کی ہمت کی داد دینی چاہیے۔”