8 سالہ سوتیلی بیٹی کو ہوس کا نشانہ بنانے والے درندہ صفت باپ کو پولیس نے گرفتار کرلیا۔
لاہور، اپنی 8 سالہ سوتیلی بیٹی کے ساتھ زیادتی کرنے والے درندہ صفت باپ کو پولیس نے گرفتار کرلیا۔
متاثرہ معصوم بچی کی والدہ منور بی بی کی درخواست پر کارروائی کرتے ہوئے ایس ایچ او تھانہ ملت پارک نے ٹیم کے ہمراہ منور بی بی کے شوہر ملزم اعظم کو گرفتار کرلیا۔
منور بی بی نے درخواست میں موقف اختیار کیا تھا کہ ملزم اعظم اپنی 8 سالہ سوتیلی بیٹی کو اپنی ہوس کا نشانہ بناتا رہتا ہے۔
ایس ایچ او ملت پارک کا کہنا ہے کہ ملزم اعظم اپنی سوتیلی بیٹی کے ساتھ جنسی زیادتی کے بعد فرار ہوگیا تھا، جس کو جدید ٹیکنالوجی سے گرفتارکر لیا گیا۔
ایس ایچ او ملت پارک کے مطابق متاثرہ بچی کی والدہ کی مدعیت میں ملزم اعظم کے خلاف مقدمہ درج گرفتار کر کے انویسٹی گیشن ونگ کے حوالے کر دیا گیا ہے۔
دریں اثنا ایس پی اقبال ٹاؤن بلال احمد نے ایس ایچ او ملت پارک آصف فرید اور پولیس ٹیم کو شاباش دی ہے۔ انہوں نے کہا کہ ایسے درندہ صفت ملزم کو قرارواقعی سزا دلوائی جائے گی۔