36
کل سے پیٹرول اور ڈیزل کی قیمت میں ایک بار پھر اضافے کا امکان ہے۔
میڈیا رپورٹس کے مطابق کل بروز جمعرات سے آئندہ پندرہ دن کیلئے پیٹرول کی قیمت میں 3.53 روپے فی لیٹر اور ڈیزل کی قیمت میں 3.66 روپے فی لیٹر اضافے کا تخمینہ لگایا گیا ہے۔
پیٹرولیم مصنوعات کی قیمتوں میں ممکنہ اضافے کی بڑی وجہ چین اور بھارت کو تیل کی برآمدات پر امریکی پابندیوں کی وجہ سے عالمی منڈی میں تیل کی قیمتوں میں اضافہ قرار دیا جا رہا ہے۔
امریکی پابندیوں کی وجہ سے عالمی منڈی میں خام تیل کی قیمت 81 ڈالر فی بیرل سے تجاوز کرگئی جو اگست 2024 کے بعد سب سے زیادہ ہے۔
ذرائع کے مطابق مٹی کے تیل میں 4.98 روپے فی لیٹر اور لائٹ ڈیزل آئل میں 6.20 روپے فی لیٹر اضافہ متوقع ہے تاہم حتمی فیصلہ وزارت خزانہ میں فیصلہ سازوں پر منحصر ہے۔