امریکا، سویڈن، سعودیہ سمیت 7 ملکوں سے مزید 52 پاکستانی بے دخل

تازہ ترین خبروں اور تبصروں کیلئے ہمارا وٹس ایپ چینل جوائن کریں

امریکا، سویڈن، سعودی عرب اور امارات سمیت 7 ملکوں سے مزید 52 پاکستانیوں کو مختلف الزامات کے تحت بے دخل کر دیا گیا۔

7 ملکوں سے بے دخل کیے گئے پاکستانیوں میں سے 3 کو کراچی ائیرپورٹ پر حراست میں لیا گیا جبکہ دیگر کو گھروں کو جانے کی اجازت دے دی گئی۔

latest urdu news

امیگریشن ذرائع کا بتانا ہے کہ سویڈن میں غیرقانونی قیام پر ایک، امریکا میں غیرقانونی داخلے اور پاسپورٹ گم ہونے پر 2 پاکستانی شہریوں کو وطن واپس بھیج دیا گیا۔

امیگریشن ذرائع کے مطابق سعودی عرب سے 2 افراد کو بلیک لسٹ، ایک شہری کو منشیات کی اسمگلنگ، ایک شہری کو بھیک مانگنے، 11 شہریوں کو مختلف دیگر الزامات کے تحت بے دخل کیا گیا۔

اسکےعلاوہ سعودی عرب سے مزید 9 شہریوں کو کفیل کی شکایت پر، 11 شہریوں کو سعودی عرب میں زائد المیعاد قیام، 7 کو پاسپورٹ گم ہونے یا ویزا ختم ہونے پر بے دخل کیا گیا۔

امیگریشن ذرائع کا بتانا ہے کہ ویزا ختم ہونے پر عمان سے ایک شہری کو پاکستان واپس بھیج دیا گیا،غیر قانونی امیگرینٹ ہونے پر ایک جبکہ 2 کو غیر قانونی طور پر قیام کرنے پر متحدہ عرب امارات سے آف لوڈ کیا گیا۔

نیپال، سعودی عرب اور ملاوی میں پیدائشی 3 بچوں کو ایمرجنسی دستاویزات پر پاکستان بھیجا گیا۔

latest breaking news in urdu

شیئر کریں:
frontpage hit counter