وزیراعلیٰ پنجاب مریم نواز کی جانب سے پاکستان کا پہلا پنجاب دھی رانی پروگرام لانچ کر دیا گیا۔
لاہور کے میرج ہال میں 51 شادیوں کے اجتماعی تقریب سے پروگرام کا آغاز ہوا اور نوبیاہتا جوڑوں میں 5 کرسچن جوڑے بھی شامل تھے۔
وزیراعلیٰ مریم نواز نے تمام نوبیاہتا جوڑوں کو مبارکباد اور دعائیں دیں، ڈاکٹر مفتی محمد رمضان سیالوی اور بشپ ندیم کامران نے دعا کرائی۔
نو بیاہتا دلہا دلہن کو میٹرس، کھانے پکانے کا سامان، ڈنر سیٹ سمیت دیگر سامان کے تحائف دیے گئے، اس موقع پر وزیراعلیٰ پنجاب مریم نواز کی جانب سے دھی رانی پروگرام سلام کارڈ کی لانچنگ بھی کی گئی اور ہر دلہن کو سلامی کارڈ بھی دیا گیا۔
دلہنیں دھی رانی سلامی کارڈ کے ذریعے 1 لاکھ روپے سلامی حاصل کر سکیں گی، تقریب کے شرکا کو محکمہ سوشل ویلفیئر کی جانب سے ظہرانہ دیا گیا اور اس موقع پر مریم نواز کا کہنا ہے کہ شادی بچوں اور والدین کیلئے ایک جذباتی لمحہ ہوتا ہے، میں بھی آپ کی ماں ہوں، میں بھی خوش ہوں۔
دوسری جانب وفاقی وزیر داخلہ و چیئرمین پی سی بی محسن نقوی کا کہنا ہے کہ پاکستان برطانیہ کیساتھ اپنے دیرینہ تعلقات کو قدر کی نگاہ سے دیکھتا ہے۔
وفاقی وزیر داخلہ محسن نقوی سے برطانوی ہائی کمشنر جین میریٹ نے ملاقات کی ، ملاقات میں میں باہمی دلچسپی کے امور سمیت مختلف امور پر تبادلہ خیال کیا گیا۔
