قومی اسمبلی کے اسپیکر ایاز صادق کا کہنا ہے کہ مذاکراتی کمیٹیوں کا اجلاس طلب کرنے کے لیے اپوزیشن یا حکومت نے رابطہ نہیں کیا۔
اسپیکر ایاز صادق کے جاری بیان کے مطابق فریقین جب کہیں گے 2،1 روز کے نوٹس پر اجلاس بلانے کے لیے تیار ہوں، مذاکراتی کمیٹیوں کا اجلاس طلب کرنے کے لیے اپوزیشن یا حکومت نے رابطہ نہیں کیا۔
ایاز صادق نے کہا کہ پاکستان تحریک انصاف (پی ٹی آئی) مذاکراتی کمیٹی کی بانی پی ٹی آئی سے ملاقات میری ذمہ داری نہیں وہ حکومت کو کروانی ہے۔
حکومت اور اتحادی فیصلہ کرلیں ملاقات ہوسکتی ہے یا نہیں، 4 جنوری کو اسد قیصر سے ٹیلیفونک گفتگو میں واضح کر دیا تھا کہ بانی پی ٹی آئی سے ملاقات کا مطالبہ حکومت تک پہنچا دیا ہے، اسپیکر قومی اسمبلی کا کہنا ہے کہ پی ٹی آئی کے رہنما رانا ثنا اللہ اور حکومت کے اکابرین سے براہ راست بھی بات کرسکتے ہیں۔
دوسری جانب وزیراعظم شہباز شریف کا کہنا ہے کہ تعلیم ہر معاشرے کا بنیادی حق ہے، غریب ممالک میں لڑکیوں کی تعلیم تک رسائی یقینی بنانا ہوگی۔
خواتین کو تعلیم میں درپیش چیلنجز سے متعلق 2 روزہ عالمی کانفرنس سے خطاب کے دوران وزیراعظم شہباز شریف کا کہنا تھا کہ شرکا کو عالمی کانفرنس میں شرکت پر خوش آمدید کہتے ہیں، ملالہ یوسفزئی بھی کانفرنس میں شریک ہیں، انہیں خوش آمدید کہتے ہیں، شاہ سلمان، محمد بن سلمان کے کانفرنس میں تعاون پر شکرگزار ہیں۔
