23
کولمبو، پاکستان کے کیوئسٹ محمد آصف نے سارک اسنوکر چیمپئن شپ کا ٹائٹل اپنے نام کرلیا۔
محمد آصف نے فائنل میں سری لنکن کیوئسٹ کو شکست دی، قومی کیوئسٹ نے فائنل میں 5 کے مقابلے میں 0 فریم سے کامیابی حاصل کی، محمد آصف ایونٹ میں ناقابل شکست رہے۔
یاد رہے کہ سیمی فائنل میں اسنوکر چیمپئن کا مقابلہ ہم وطن نسیم اختر سے تھا، بیسٹ آف نائن فریم پر مشتمل سیمی فائنل میں محمد آصف نے 3،5 کے فریم اسکور سے فتح سمیٹی۔
صدر مملکت آصف علی زرداری نے پاکستانی کھلاڑی محمد آصف کو تیسری سارک سنوکر چیمپیئن شپ جیتنے پر مبارکباد دی، آصف زرداری نے کہا کہ محمد آصف نے فائنل سمیت پوری چیمپئن شپ میں بہترین کھیل پیش کیا۔
صدر مملکت نے کہا کہ محمد آصف نے سنوکر کے کھیل میں پاکستان کا نام روشن کیا، محمد آصف کی مستقبل میں بھی کامیابی کیلئے دعاگو ہوں۔
