کوئٹہ، سنجدی کی کوئلہ کان میں پھنسے 12 کان کنوں کو 14 گھنٹے گزرنے کے باوجود بھی امداد کے منتظر ہیں۔
مائنز حکام کا بتانا ہے کہ گزشتہ روز کان میں گیس بھر جانے کی وجہ سے دھماکا ہوا تھا جس کی وجہ سے 12 کانکن اندر پھنس گئے تھے، ملبے تلے دبے کانکنوں کو ریسکیو کرنے کے لیے آپریشن جاری ہے جس میں محکمہ مائنز، پی ڈی ایم اے اور ایف سی کے اہلکار شامل ہیں۔
ڈائریکٹر جنرل پی ڈی ایم اے جہانزیب خان نے کہا کہ رات بھر سے پی ڈی ایم اے کی ٹیمیں کانکنوں کو بحفاظت نکالنے میں مصروف ہیں، کانکنوں کو ریسکیو کرنے میں کوئی کثر نہیں چھوڑیں گے۔
پی ڈی ایم اے حکام کے مطابق کان کے داخلی راستے سے ملبا ہٹانے کے بعد کافی حد تک گیس کا اخراج ہوگیا ہے، ٹیموں کو کان کے اندر بھیج دیا ہے انشاء اللہ جلد اندر پھنسے کانکنوں کو نکال لیا جائے گا۔
دوسری جانب وزیر داخلہ محسن نقوی جمعیت علمائے اسلام کے سربراہ سے ملاقات کیلئے ان کی رہائش گاہ پہنچے اور خیریت دریافت کی، محسن نقوی کی جانب سے مولانا فضل الرحمان کی صحت کے حوالے سے نیک خواہشات کا اظہار کیا گیا۔
