13
پہلی بیوی کی اجازت کے بغیر دوسری شادی کرنے پر شوہر کو 6 ماہ قید کی سزاسنا دی گئی۔
لودھراں، پہلی بیوی کی اجازت کے بغیر دوسری شادی کرنے پر شوہر کو 6 ماہ قید اور 5 لاکھ روپے جرمانے کی سزا سنادی گئی۔
لودھراں کی تحصیل کہروڑپکا کی رہائشی شکیلہ بی بی نے اپنے شوہر محسن کے خلاف بغیر اجازت دوسری شادی کرنے کے خلاف سول کورٹ میں رٹ پٹیشن دائر کر رکھی تھی۔
کیس کی سماعت مکمل کرتے ہوئے جج فیملی کورٹ طاہرہ شہزاد خان کی جانب سے بغیر اجازت شادی کرنے کا جرم ثابت ہونے پر مجرم محسن کو 6 ماہ قیداور 5 لاکھ روپے جرمانے کی سزا کا حکم سنادیا گیا۔
عدم ادائیگی پر جرمانے کی صورت میں مجرم کو 2 ماہ مزید قید کی سزا بھگتنا ہوگی۔
عدالتی فیصلے کے بعد پولیس کی جانب سے مجرم کو کمرہ عدالت سے گرفتار کرکے سینٹرل جیل بہاولپور منتقل کردیا گیا۔
