رانا ثنا اللہ نے کہا کہ حکومت کی طرف سے سابق وزیراعظم عمران خان کو بنی گالہ منتقلی کی کوئی پیشکش نہیں کی گئی۔
اسلام آباد، وزیراعظم کے مشیر برائے سیاسی امور رانا ثنا اللہ نے کہا کہ حکومت کی طرف سے سابق وزیراعظم عمران خان کو بنی گالہ منتقلی کی کوئی پیشکش نہیں کی گئی۔
ایک بیان میں رانا ثنااللہ کا کہنا ہے کہ ایاز صادق کی واپسی کے بعد مذاکرات شروع ہو جائیں گے، 190 ملین پاؤنڈ ریفرنس کے فیصلے میں تاخیر کا مذاکرات سے کوئی تعلق نہیں ہے۔
رہنما ن لیگ نے کہا کہ حکومت کی طرف سے بانی پی ٹی آئی کو بنی گالہ منتقلی کی کوئی پیشکش نہیں کی گئی، اسٹیبلشمنٹ کی طرف سے پیشکش کے بارے میں وہ کچھ نہیں کہہ سکتے۔
رانا ثنااللہ نے کہا کہ وزیراعلیٰ علی امین گنڈا پور کے رابطے دونوں طرف نہیں بلکہ چاروں طرف ہیں۔
پی ٹی آئی رہنماؤں کی لیکڈ واٹس ایپ گفتگو کے بارے میں مشیر وزیراعظم پاکستان رانا ثنااللہ نے کہا علیمہ خان نے عمران خان کے جیل میں رہنے کے سیاسی فوائد اور انہیں زہر دینے کی بات کی، اس جماعت کے لوگ آپس میں بھی لڑ رہے ہیں اور اداروں سے بھی لڑ رہے ہیں۔
