49
لاہور، معروف پاکستانی ٹک ٹاکر حریم شاہ کی جانب سے پاکستانی مردوں کو ’’بیوقوف‘‘ قرار دے دیا گیا۔
حال ہی میں ٹک ٹاکر حریم شاہ ایک پوڈ کاسٹ میں شریک ہوئیں جہاں حریم شاہ نے پاکستانی مردوں سے متعلق تضحیک آمیز گفتگو کی۔
حریم شاہ نے پاکستانی مردوں کے حوالے سے بات کرتے ہوئے کہا کہ پاکستانی مردوں کو دھوکا دینا بہت آسان ہے، ان مرد حضرات کو آسانی سے الو بنایا جاسکتا اور ان کو ناکوں چنے چبوائے جاسکتے ہیں۔
معروف ٹک ٹاکر کا کہنا تھا کہ اس معاشرے میں ہونیوالے تمام ظلم مرد کرتے ہیں اور اسکے باوجود جو مرد متعدد خواتین کے ساتھ تعلقات رکھتے ہیں وہ خود کو ہیرو سمجھتے ہیں۔
حریم شاہ کے اس بیان کے بعد اسے سوشل میڈیا صارفین کی جانب سے تنقید کا نشانہ بنایا جارہا ہے۔
یاد رہے کہ ٹک ٹاکر حریم شاہ اپنی متنازع ویڈیوز اور بیانات کی وجہ سے نیشنل میڈیا کی زینت بنی رہتی ہیں۔
