32
لاہور، رمضان شوگر ملز ریفرنس میں سابق وزیراعلیٰ پنجاب حمزہ شہباز کی 1 روزہ حاضری معافی کی درخواست منظور کرلی گئی۔
اینٹی کرپشن عدالت لاہور کے جج سردار محمد اقبال ڈوگر کی جانب سے رمضان شوگر مل ریفرنس پر وزیراعظم شہباز شریف اور حمزہ شہباز کیخلاف کیس کی سماعت کی گئی۔
وزیراعظم شہباز شریف کی جگہ ان کے پلیڈر انوار حسین حاضری کیلئے پیش ہوئے۔
سماعت کے دوران وزیراعلیٰ حمزہ شہباز کی جانب سے 1 روزہ حاضری معافی کی درخواست دائر کی گئی جسے عدالت نے منظور کر لیا۔
معزز جج کی لاہور ہائیکورٹ میں میٹنگ کے باعث کارروائی نہیں ہوسکی۔
عدالت نے آئندہ سماعت پر بریت کی درخواست پر دلائل طلب کر تے ہوئے کیس کی سماعت 13 جنوری تک ملتوی کر دی۔
یادرہے کہ وزیراعظم شہباز شریف اور حمزہ شہباز نے بریت کی درخواست دائر کر رکھی ہے۔
