27
اسلام آباد، انسداد دہشت گردی عدالت اسلام آباد کی جانب سے 26 نومبر کے احتجاج پر درج مقدمات میں مزید 40 ملزمان کی ضمانتیں منظور کرلی گئیں۔
انسداد دہشت گردی عدالت کے جج ابو الحسنات محمد ذوالقرنین نے ضمانتیں منظور کیں۔
عدالت کی جانب سے 5،5 ہزار روپے مچلکوں کے عوض ضمانتیں منظور کی گئیں اور ملزمان کی رہائی کا حکم بھی جاری کر دیا گیا۔
سماعت کے دوران پی ٹی آئی کارکنان کی جانب سے وکلا سردار مصروف، انصر کیانی، آمنہ علی، مرزا عاصم بیگ، مرتضی طوری عدالت پیش ہوئے۔
یاد رہے کہ عدالت کی جانب سے گزشتہ روز 250 ملزمان کی ضمانتیں منظور کی گئی تھیں، 150 ملزمان کی ضمانت کی درخواستیں خارج کی گئیں۔
