نیلم منیر رشتہ ازدواج میں منسلک، شوہر کون؟

گزشتہ روز معروف اداکارہ نیلم منیر نے دبئی میں رشتہ ازدواج میں منسلک ہونے کی تصاویر شیئر کیں جو سوشل میڈیا پر وائرل ہیں۔

وائرل تصاویر میں حسین اداکارہ نیلم منیر کو سفید رنگ کا عروسی جوڑا زیب تن کیے جبکہ ان کے شوہر کو سفید رنگ کے روایتی عربی جبے یا ثوب میں ملبوس دیکھا گیا، تاہم نیلم منیر نے شوہر کا نام یا ان کی کوئی تفصیل شیئر نہیں کی۔

یہ بھی پڑھیں

اب معروف یوٹیوبر یاسر شامی نے اپنے سوشل میڈیا اکاؤنٹ پر ایک ویڈیو شیئر کرتے ہوئے نیلم منیر کے شوہر سے متعلق کئی تفصیلات شیئر کی ہیں۔

یاسر شامی کا کہنا ہے کہ اداکارہ کے شوہر کا نام محمد راشد ہے جو دبئی پولیس کے سی آئی ڈی ڈپارٹمنٹ میں کام کرتے ہیں، ان کی نیلم منیر سے پسند کی شادی ہے، شادی کی تقریب پچھلے ماہ منعقد ہوئی جس کا شوٹ اب ریلیز کیا گیا ہے۔

یوٹیوبر کی جانب سے اداکارہ کے شوہر کی ملازمت کے حوالے سے دعویٰ کرتے ہوئے بتایا گیا کہ نیلم منیر کے شوہر دبئی پولیس میں شرطے ہیں اور اگر دبئی پولیس کے موجود اہلکاروں کا تجربہ 2 سے 3 سال کا ہو تو ان کی تنخواہ 13 ہزار درہم ہوتی ہے، جو (پاکستانی 10 لاکھ روپے) بنتی ہے۔

یاسر شامی نے کہا کہ اگر ان اہلکاروں کا تجربہ 5 سے 8 سال کا ہو تو معاوضہ 13 ہزار درہم سے 18 ہزار درہم (یعنی 13 سے 14 لاکھ روپے) بنتا ہے لیکن اگر دبئی پولیس اہلکاروں کا تجربہ 8 سے 10 سال کا ہو ان کی تنخواہ 22 ہزار درہم یعنی 16 سے 17 لاکھ پاکستانی روپے تک بنتی ہے۔

یاسر شامی کے مطابق دبئی کے پولیس اہلکار سے شادی کے بعد نیلم منیر کو اب دبئی کے شاپنگ مالز میں اچھا خاصا ڈسکاؤنٹ بھی ملے گا، عام طور پر دبئی اپنے ملک میں شادی کرنیوالی لڑکیوں کو شہریت نہیں دیتا، اس کے بجائے انہیں گولڈن ویزہ دیا جاتا ہے۔