32
لاہور میں نوکری سے برخاست بھائی نے چھوٹے بھائی کیساتھ مل کر چور گینگ بنا لیا۔
پولیس کا بتانا ہے کہ ملزمان چند روز پہلے گلبرگ اور ماڈل ٹاؤن سے موٹرسائیکلیں چرا کر فرار ہوئے تھے، ماڈل ٹاؤن پولیس نے سی سی ٹی وی فوٹیجز کی مدد سے گروہ کو ٹریس کرکے رائے ونڈ سے حراست میں لیا۔
ملزمان کی جانب سے اعتراف کیا گیا کہ بڑے بھائی کو فیکٹری سے فارغ کیا تھا جس کے بعد اپنا گینگ بنا لیا۔
ایس پی ماڈل ٹاؤن اخلاق اللہ تارڑ نے کہا کہ ملزم احسن چوری اور ڈکیتی کے 6 مقدمات میں سابقہ ریکارڈ یافتہ ہے۔
ملزمان محسن اور احسن سے چوری شدہ 2 موٹر سائیکلیں، پستول اور گولیاں برآمد ہوئیں۔
ملزمان کے خلاف مقدمہ درج کرکے انویسٹیگیشن ونگ کے حوالے کردیا گیا، اسٹریٹ کریمنلز کیخلاف خصوصی کارروائیاں جاری ہیں۔
