26
وزیر اعلیٰ کے پی علی امین گنڈاپور کے ناقابل ضمانت وارنٹ گرفتاری معطل کر دیے گئے۔
راولپنڈی، انسداد دہشت گردی عدالت کی جانب سے وزیر اعلیٰ کے پی علی امین گنڈاپور کے ناقابل ضمانت وارنٹ گرفتاری معطل کر دیے گئے۔
راولپنڈی کی انسداد دہشتگردی عدالت کی جانب سے علی امین گنڈا پور کے حسن ابدال میں درج مقدمے میں جاری وارنٹ گرفتاری معطل کردیے گئے۔
وزیراعلیٰ پختونخوا کے وکیل محمد فیصل ملک کی جانب سے وارنٹ گرفتاری معطل کرنے کی درخواست دائر کی گئی جس میں کہا گیا کہ پشاور ہائیکورٹ کی جانب سے علی امین گنڈا پور کی تمام مقدمات میں ضمانت منظور کی گئی ہے۔
وکیل علی امین گنڈا پور نے پشاور ہائیکورٹ کا حکم نامہ عدالت میں جمع کرایا جس کے بعد عدالت نے علی امین گنڈا پور کے ناقابل ضمانت وارنٹ گرفتاری معطل کر دیے۔
انسداد دہشتگردی عدالت کی جانب سے علی امین گنڈا پور کو اشتہاری قرار دینے کی کارروائی بھی منسوخ کر دی گئی۔
