آکلینڈ، نیوزی لینڈ میں رات کے 12 بجتے ہی شاندار آتش بازی اور رنگا رنگ جشن کیساتھ سال نو 2025 کا آغاز ہوگیا۔
غیر ملکی میڈیا کا بتانا ہے کہ سال 2025 کا آغاز سب سے پہلے بحر الکاہل کے نیم آباد علاقوں سے ہوا جس کے بعد نیوزی لینڈ میں نئے سال نے قدم رکھا۔
نئے سال کے پہلے بھرپور جشن کا اہتمام نیوزی لینڈ کے شہر آکلینڈ میں کیا گیا جہاں 12 بجتے ہی آسمان پر برق و نور کے نظارے پھوٹ پڑے۔
نیوزی لینڈ میں شاندار آتش بازی سے شہریوں نے نئے سال کا استقبال کیا، شہری بڑی تعداد میں جمع ہوئے اور ہم آواز ہوکر کاؤنٹ ڈاؤن میں حصہ لیا۔
نیوزی لینڈ کے بعد نئے سال کو خوش آمدید کہنے والی دوسری قوم آسٹریلوی ہیں جہاں تقریباً ہر بڑے شہر میں جشن سال نو کی تقاریب کا انتظام کیا گیا۔
جزائر غرب الہند میں جزیرہ کیرٹی میسی نئے سال کا استقبال کرنے والا پہلا آباد جزیرہ ہوگا، یہاں کی آبادی تقریبا 5 ہزار نفوس پر مشتمل ہے، دنیا میں سال نو منانے والا سب سے آخری علاقہ امریکا کا ساموا ہوگا۔
