29
جنسی ہراسگی کیس میں عدالت نے نومنتخب صدر ڈونلڈ ٹرمپ پر جرمانہ برقرار رکھنے کا حکم دے دیا ہے۔
واشنگٹن، امریکی عدالت کی جانب سے جنسی ہراسگی کیس میں نومنتخب صدر ڈونلڈ ٹرمپ پر جرمانہ برقرار رکھنے کا حکم دیا گیا ہے۔
غیر ملکی میڈیاکا بتانا ہے کہ فیڈرل اپیل کورٹ نے جنسی ہراسگی کیس میں ڈونلڈ ٹرمپ پر 50 لاکھ ڈالر جرمانہ برقرار رکھنے کا حکم دے دیا۔
واضح رہے کہ نیویارک کی جیوری نے گزشتہ سال 9 روز مقدمے کی سماعت کے بعد ڈونلڈ ٹرمپ کو 1996 میں مین ہیٹن کے ایک ڈیپارٹمنٹل اسٹور میں رائٹر اور صحافی ای جین کیرول کو جنسی طور پر ہراساں کرنے کا مجرم قرار دیتے ہوئے 5 ملین ڈالر جرمانہ عائد کیا تھا۔
ٹرمپ کی جانب سے الزامات سے انکار کرتے ہوئے فیصلے کے خلاف اپیل کی گئی تھی جسے فیڈرل کورٹ نے مسترد کردیا۔
اس سے پہلے بھی عدالت ایک علیحدہ مقدمے میں ٹرمپ کو کیرول کو 83 ملین ڈالر ادا کرنے کا حکم دے چکی ہے۔
