حسین اداکارہ عائزہ خان کا کہنا ہے کہ کامیابی کے حصول کیلئے مشکلات سے لڑنا پڑتا ہے۔
لاہور، پاکستان شوبز انڈسٹری کی معروف اداکارہ عائزہ خان کا کہنا ہے کہ کامیابی کے حصول کیلئے مشکلات سے لڑنا پڑتا ہے اس لئے کبھی مشکلات سے گھبرائی نہیں۔
ایک انٹرویو میں عائزہ خان نے گفتگو کے دوران کہا کہ شوبز کی دنیا میں محنت اور لگن سے منزل تک پہنچنا میرا جنون ہے اسی لئے صرف معیاری کام کو ہی ترجیح دیتی ہوں۔
اداکارہ نے کہا کہ کامیابی کے حصول کیلئے مشکلات سے لڑنا پڑتا ہے اس لئے کبھی مشکلات سے گھبرائی نہیں، میں پر امید ہوں کہ شوبز کی دنیا میں ایسا مقام بناؤں گی کہ لوگ مدتوں یاد رکھیں گے۔
واضح رہے کہ عائزہ خان نے 18 سال کی عمر میں اداکارہ کی حیثیت سے اپنے کیریئر کا آغاز کیا، ہم ٹی وی پر نشر ہونے والے ڈرامہ، تم جو ملے میں ایک معاون کردار سے اپنی پہلی شروعات کی۔
خوبرو اداکارہ عائزہ خان کا شمار ان قلیل اداکاراؤں میں ہوتا ہے جنہوں نے بہت کم عرصے میں شوبز انڈسٹری میں اپنا نام کمایا۔
