بانی پی ٹی آئی اور سابق وزیراعظم عمران خان کا کہنا ہے کہ اسٹیبلشمنٹ یا کسی ملک کے کہنے پر ڈیل نہیں کروں گا۔
سابق وزیراعظم عمران خان کی بہن علیمہ خان نے راولپنڈی کی اڈیالہ جیل کے باہر میڈیا سے گفتگو کے دوران بتایا کہ عمران خان نے کہا ہے کہ عدلیہ کا مذاق بنایا گیا ہے، میں ہر کیس لڑوں گا۔
جب کیسز لڑ رہا ہوں تو مجھے ڈیل کرنے کی کیا ضرورت ہے، اسٹیبلشمنٹ یا کسی کے کہنے پر ڈیل نہیں کروں گا۔
علیمہ خان کے مطابق عمران خان نے کہا کہ 9 مئی انہوں نے کیا جنہوں نے سی سی ٹی وی فوٹیج چرائی، 9 مئی کی سازش پہلے سے کی گئی تھی، جن لوگوں نے 9 مئی کے بعد پارٹی چھوڑی ان کے کیسز معاف کردئیے گئے۔
عمران خان نے کہا کہ 29 نومبر کے لاتعداد لوگ مسنگ ہیں، لال مسجد کی طرح لاشیں دفنائی گئی ہیں، آپ ملک کی سرحدوں کی فکر کریں، 2 مطالبات ہیں 9 مئی اور 26 نومبر پر جوڈیشل کمیشن بنائے جائیں اور بے گناہ قیدیوں کو رہا کیا جائے۔
علیمہ خان کے مطابق عمران خان نے کہا ہے کہ وہ بنی گالہ میں ہاؤس اریسٹ پر نہیں جائیں گے، توشہ خانہ 2 کیس بھی توشہ خانہ کے پہلے کیس جیسا ہے، القادر یونیورسٹی کیس میں 6 تاریخ کو عمران خان کو سزا سنانی ہے، القادر کیس اور توشہ خانہ 2 اعلیٰ عدالتوں میں ختم ہوجائیں گے۔
