ہانیہ عامر کی منفرد ونٹر لُک، مداح گرویدہ

لاہور، پاکستانی شوبز انڈسٹری کی ڈمپل کوئین ہانیہ عامر نے ونٹر لُکس میں اپنی منفرد اداؤں سے مداحوں کو گرویدہ کرلیا۔

ہانیہ عامر کا شمار پاکستان کی ٹاپ اداکاراؤں میں ہوتا ہے، ہانیہ نے کم عمری میں شوبز کی دنیا میں قدم رکھا لیکن فنکارانہ صلاحیتوں کی بدولت جلد ہی عروج حاصل کرلیا۔

یہ بھی پڑھیں

ان دنوں ہانیہ عامر بیرون ملک مقیم ہیں جہاں سے معروف اداکارہ نے ونٹر لک میں کچھ تصاویر فوٹو اینڈ ویڈیو شیئرایپ انسٹاگرام پر شیئر کیں۔

مذکورہ تصاویر میں ہانیہ سبز، گلابی، آسمانی اور سفید لائنز والا جاذبِ نظر سوئیٹر پہنی نظر آرہی ہیں جس کے نیچے انہوں نے سبز باڈی کون ڈریس پہن رکھا ہے، ہانیہ عامر کے کیوٹ ونٹر ڈریس کو خاص پسند کیا جارہا ہے۔

سوئیٹر پر آسمانی پھول بھی بنے ہوئے ہیں جو اس کو مزید دلکش بنا رہے ہیں جبکہ باڈی کون بغیر پرنٹ شدہ صرف سبز رنگ کی ہے، ہانیہ عامر نے لک کو مکمل کرنے کیلئے کانوں میں اسٹڈ پہنے اور شوز کے بجائے ہائی ہیلز کا انتخاب کیا۔

ہانیہ عامر کا یہ لُک مداحوں کی توجہ کا مرکز بنا ہوا ہے سوشل میڈیا صارفین کی جانب سے تصاویر پر پسندیدگی کا اظہار کیا جارہا ہے۔