نیدرلینڈز میں 500 سال قدیم لکڑی کا جوتا دریافت کر لیا گیا۔
الکمار، نیدرلینڈز کے شہر الکمار میں زیر زمین کچرے کے کنٹینر کی تعمیر کے دوران 500 سال قدیم لکڑی کا جوتا دریافت کر لیا گیا۔
غیر ملکی میڈیاکا کہنا ہے کہ نیدرلینڈز اپنے لکڑی سے تیار کردہ جوتوں کے لیے دنیا بھر میں شہرت رکھتا ہے۔
حال ہی میں نیدرلینڈز کے دارالحکومت ایمسٹرڈیم سے 30 کلومیٹر کی دوری پر الکمار میں تعمیراتی کام کے دوران لکڑی کا قدیم جوتا دریافت ہوا ہے۔
حالیہ قدیم و نایاب دریافت یہ ظاہر کرتی ہے کہ ایک زمانے میں ان لکڑی سے تیار کردہ جوتوں کا استعمال کتنا وسیع تھا۔
ماہرِ آثار قدیمہ سلکے لانگ نے بتایا کہ یہ خاص جوتا شہری علاقے میں زیرِ زمین تعمیراتی کام کے دوران ملا جو ہمیں ان کسانوں کی یاد دلاتا ہے جو اپنے کام کے دوران لکڑی کے جوتے استعمال کیا کرتے تھے لیکن ہمیں یہ جوتا شہری علاقے سے ملا ہے، جس سے یہ معلوم ہوتا ہے کہ یہ جوتے روز مرہ کے کاموں میں زیر استعمال لائے جاتے تھے۔
ماہرِ آثار قدیمہ کے مطابق اس جوتے کا سائز 36 ہے جسے 15 ویں صدی کے آخر اور 16 ویں صدی کے اوائل میں بنایا گیا تھا۔
