لاہور، وزیر اعلیٰ پنجاب مریم نواز اپنے بھتیجے زید حسین نواز کے نکاح میں توجہ کا مرکز بنی رہیں۔
نجی ٹی وی چینل کے مطابق سابق وزیرِ اعظم نواز شریف کے پوتے حافظ زید حسین نواز کے حال ہی میں ہونیوالی نکاح کی تقریب کی تصاویر سوشل میڈیا کی زینت بنی ہوئی ہیں۔ تاہم تمام تر توجہ صوبہ پنجاب کی پہلی خاتون وزیر اعلیٰ مریم نواز نے سمیٹ لی۔
سرخ لباس میں ملبوس مریم نواز بھتیجے کے نکاح میں انتہائی خوبصورت نظر آرہی ہیں۔
وزیراعلیٰ مریم نواز کے مذکورہ جوڑے کے حوالے سے سامنے آنے والی تفصیلات کے مطابق انہوں نے اس خاص موقع پر بھارتی معروف فیشن ڈیزائنر سبیاساچی مکھرجی کے جوڑے کا انتخاب کیا ہے۔
پہلی خاتون وزیراعلیٰ کا یہ سرخ جوڑا سبیاساچی کی حالیہ کلیکشن ’ہیریٹیج برائیڈل‘ سے ہے۔
یاد رہے کہ حسین نواز کے بیٹے اور مریم نواز کے بھتیجے زید حسین نواز کا نکاح 25 دسمبر کو سابق وزیر اعظم نواز شریف کے قریبی دوست شیخ حبیب الرحمٰن کی صاحبزادی ایمن حبیب سے ہوا ہے۔
جاتی امرا میں منعقد ہونیوالی نکاح اور رسم حنا کی تقریب میں میں 500 مہمان مدعو تھے، جبکہ آج زید حسین نواز اپنی دلہنیا کو لینے کے لئے جاتی امرا سے بارات لیکر ماڈل ٹاؤن جائیں گے۔