32
آزاد کشمیر، وادی نیلم میں کار بے قابو ہو کر دریائے نیلم میں گرنے سے 2 افراد جان کی بازی ہار گئے۔
ریسکیو حکام کا بتانا ہے کہ آزاد کشمیر کی وادی نیلم میں جورا صندوق کے مقام پر کار بے قابو ہو کر دریائے نیلم میں جا گری جس کے نتیجے میں 2 افراد جان کی بازی ہار گئے جبکہ 2 زخمی ہوئے ہیں۔
پولیس حکام کا بتانا ہے کہ کار علاقہ جورا سے کنڈل شاہی آرہی تھی صندوق کے مقام پر موڑ کاٹتے ہوئے دریائے نیلم میں گر گئی۔
ریسکیو ذرائع کا بتانا ہے کہ جاں بحق ہونیوالے افراد کی نعشیں نکال لی گئیں، جاں بحق ہونے والے افراد کا تعلق سیالکوٹ سے بتایا جا رہا ہے، دونوں زخمیوں کو ہسپتال منتقل کر دیا گیا ہے۔
