پھالیہ، امیر جماعت اسلامی حافظ نعیم الرحمان نے کہا کہ حکمرانوں نے اپنی مراعات میں 1000 فیصد اضافہ کیا عوام کی زندگی اجیرن بنا دی۔
منڈی بہاؤالدین کے علاقے پھالیہ میں کسان کنونشن سے خطاب کرتے ہوئے جماعت اسلامی کے امیر حافظ نعیم الرحمان نے حکومت پر شدید تنقید کی اور کسانوں کو درپیش مسائل پر آواز بلند کی۔ انہوں نے کہا کہ پاکستان میں عام لوگ دو وقت کی روٹی کے لیے پریشان ہیں جبکہ حکمران اپنی مراعات میں 100 فیصد اضافہ کر رہے ہیں۔
حافظ نعیم الرحمان نے گندم کی امدادی قیمت پر حکومت کی غیر سنجیدگی اور وعدہ خلافی کو کسانوں کے لیے بڑا دھچکا قرار دیا۔ ان کا کہنا تھا کہ کسان اپنی محنت سے اناج اگاتا ہے، لیکن شوگر مافیا کو کھلی چھوٹ دے دی گئی ہے، جو گنے کی قیمت اپنی مرضی سے طے کر رہے ہیں۔
انہوں نے کہا کہ آئی ایم ایف مزدوروں اور کسانوں پر ٹیکس لگانے کا دباؤ ڈالتا ہے جبکہ سرمایہ داروں کو فائدہ پہنچایا جاتا ہے۔
حکمرانوں پر تنقید کرتے ہوئے حافظ نعیم الرحمان نے کہا کہ حکومت اسکولوں کو نجی اداروں کے سپرد کر کے عوام سے مفت تعلیم کا حق بھی چھین رہی ہے۔
کسانوں کے مسائل کے حل کے لیے جماعت اسلامی کی جدوجہد جاری رہے گی۔
