پاکستان شوبز انڈسٹری کی معروف اداکارہ سائرہ یوسف نے سُپر اسٹور سے چاکلیٹس چوری کرنے کا اعتراف کرلیا۔
پاکستانی اداکارہ و ماڈل سائرہ یوسف نے سپر اسٹور میں چوری کی ویڈیو وائرل ہونے کے بعد بالآخر اس کا اعتراف کر لیا ہے۔ ویڈیو میں سائرہ یوسف ایک سپر اسٹور سے کچھ اشیاء چرا کر اپنے لباس میں چھپاتی ہوئی نظر آئی تھیں، جس کے بعد سوشل میڈیا پر کافی ہلچل مچ گئی تھی۔
صارفین نے مختلف تبصرے کیے، اور زیادہ تر لوگ اس طرز عمل پر حیرانی کا اظہار کر رہے تھے۔
سائرہ یوسف نے اس ویڈیو کے بعد انسٹاگرام پر ایک ویڈیو شیئر کی، جس میں وہ نہ صرف اس چوری کا اعتراف کر رہی ہیں بلکہ اپنی مجبوری بھی بیان کر رہی ہیں۔
ویڈیو میں سائرہ کہہ رہی ہیں کہ "میں اعتراف کرتی ہوں کہ وہ میں ہی تھی، کیوں کہ مجھ سے صبر نہیں ہوا اور مجھے یقین ہے آپ سے بھی نہیں ہوگا۔ چاہے مجھے کوئی بھی الزام دیں، لیکن سب سے کریمی ملک چاکلیٹ کے لیے میں مجرم ہوں”۔
اس ویڈیو سے یہ واضح ہوتا ہے کہ چوری کی وائرل ویڈیو دراصل ایک اشتہاری مہم کا حصہ تھی، جو جان بوجھ کر بنائی گئی تھی۔ اس ویڈیو پر کئی مداحوں نے یہی کہا تھا کہ سائرہ حقیقت میں چوری نہیں کر سکتیں، اور یہ کوئی اشتہاری مہم ہو سکتی ہے۔
View this post on Instagram
