شہریار آفریدی سمیت دیگر پی ٹی آئی رہنماؤں کی حفاظتی ضمانتیں منظور

تازہ ترین خبروں اور تبصروں کیلئے ہمارا وٹس ایپ چینل جوائن کریں

پشاور ہائیکورٹ نے رہنما پی ٹی آئی شہریار آفریدی اور شہرام ترکئی سمیت دیگر پی ٹی آئی رہنماؤں کی حفاظتی ضمانتیں منظور کرلیں۔

چیف جسٹس پشاور ہائیکورٹ جسٹس اشتیاق ابراہیم اور جسٹس وقار احمد کی جانب سے پی ٹی آئی رہنماؤں کی حفاظتی ضمانتوں کی درخواستوں پر سماعت کی گئی۔

latest urdu news

دوران سماعت چیف جسٹس پشاور ہائیکورٹ نے ریمارکس دیئے کہ آپ لوگ اسمبلی بھی جایا کریں، اسمبلی میں بہت سارا کام زیر التوا ہے، جب تک فیڈریشن اور متعلقہ ادارے مقدمات کی تفصیلات نہیں دیتے اس وقت تک درخواست گزار حفاظتی ضمانت پر ہیں۔

اسکے بعد شہرام ترکئی، فیصل ترکئی، شہریار آفریدی، اقبال آفریدی اور سہیل آفریدی کی حفاظتی ضمانت کی درخواستیں منظور کر لی گئیں اور عدالت نے حفاظتی ضمانت کی درخواستوں میں توسیع کردی، عدالت نے درخواست گزاروں کی حفاظتی ضمانت کی 21 جنوری تک منظوری دے دی۔

دوسری جانب ممبر رکن اسمبلی شہرام ترکئی نے نجی ٹی وی چینل سے گفتگو کرتے ہوئے کہا کہ بات چیت سے ہی مسائل حل ہوں گے، سب مل بیٹھ کر بات کریں۔

پشاور ہائیکورٹ سے انصاف ملا ہے، بات چیت ہونی چاہیے، بات چیت سے ہی مسائل حل ہوں گے، ملک میں سب لوگ بیٹھ کر بات کریں، اچھی بات ہے کہ حکومت کو احساس ہوا ہے، ہمارے مطالبات اور مسائل پر دیکھتے ہیں کہ حکومت کتنی سنجیدہ ہے۔

latest breaking news in urdu

شیئر کریں:
frontpage hit counter