پشاور، مشیر اطلاعات خیبرپختونخوا بیرسٹرسیف نے کہا کہ ضلع کرم میں امن و امان کے معاملے پر رواں ہفتے اہم پیشرفت متوقع ہے۔
ایک بیان میں بیرسٹر سیف کا کہنا ہے کہ علاقے کے راستے کھولنے کے حوالے سے بھی جلد خوشخبری ملے گی، 2 دن کے وقفے کے بعد جرگہ دوبارہ ہوگا جس میں پائیدار امن کے لیے معاہدہ کیا جائے گا۔
بیرسٹر سیف کا کہنا ہے کہ وزیراعلیٰ پختونخوا کے حکم پر پاراچنار میں ادویات اور دیگر ضروری سامان کی ترسیل جاری ہے جب کہ درجنوں مریضوں کو علاج کے لیے پشاور پہنچایا جاچکا ہے۔
یاد رہے کہ ضلع کرم میں راستوں کی بندش کے خلاف شہریوں کا دھرنا جاری ہے۔
دوسری جانب چیئرمین پاکستان پیپلز پارٹی (پی پی پی) بلاول بھٹو زرداری کا کہنا ہے کہ کوہ ہمالیہ کا پگھلنا نئی نسل کیلئے خطرہ ہے، جنگی بنیادوں پر کام کرنا ہوگا۔
سندھ یونیورسٹی جامشورو کے کانووکیشن سے خطاب کے دوران بلاول بھٹو نے کہا کہ ماضی میں ہمارے بڑوں نے موسمیاتی تبدیلی کے چیلنجز کو اس انداز میں نہیں سمجھا، جس طرح سمجھا جانا چاہیے تھا۔
